Aurreko eguneko denboralearekin alderatuta, normaltasunera itzuli zen atzokoan egoera, euria egin arren, gutxiago bota baitzuen. Tolosaldean euriteak kalteak eragin zituen ibai eta errekek gainezka egin zuten puntuetan. Villabonan, esaterako, Txermin auzoan atera zen Oria ibaia, eta itxita egon zen Kale Berria gauera arte. Zizurkilen Elbarrena auzoan atera zen ura, eta errepidea itxita egon zen. Tolosan, berriz, Anoetarako bidea itxi zuten Hernialderako bidegurutzean ura atera zelako, eta Usabal auzoan ibaiak gainezka egin eta ura sartu zen hainbat tailerretan. Halaber, hainbat herritan autoak garajeetatik atera beharra izan zituzten ura sartu zelako.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!