Tolosan gertatu dira bi istripuak gaur arratsaldean. Biak kotxe banak harrapatu ditu, eta zaurituak Asuncion Klinikara eraman dituzte.
Txirrindulariaren istripua Araba etorbidean gertatu da, 19:00ak aldera. Dirudienez, auto batek harrapatu du txirrindularia. Anbulantzia bertara joan da eta txirrindularia bertan artatu ondoren, Asuncion Klinikara eraman dute.
Beste istripua Iurramendin gertatu da, 18:15ak aldera. Udaltzaingotik azaldu dutenez, dirudienez auto batek bere ispiluarekin pertsona bat jo du zebrabidea igarotzen ari zela, eta lurrera erori da pertsona hori. Oinezkoa ere Asuncion Klinikara eraman dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!