Dantzari txikiak protagonista

Tolosaldeko Ataria 2017ko api. 8a, 13:31

Udaberri dantza taldeak antolatutako Dantzari Txiki eta Erromeria egunak eguraldia izan du lagun. Goizean dantzari txikiek hartu dituzte kaleak, Euskal Herriko hainbat txokotako 270 neska-mutil elkartuz. Arratsaldean Plaza Berrian elkartu eta Tolosara etorritako dantza taldeek euren herri edo eskualdetako dantzak eskaini dituzte.

Goizean ibili dira dantzariak kalez kale, eta arratsaldean Plaza Berrian eskaini dituzte dantzak. Tolosako Udaberriko dantzari txikiez gain, Hendaiako Akelarre, Amurrioko Aiara, Algortako Itxartu eta Oñatiko Oñatz dantza taldeetako kideak izan dira gaur, Tolosan.

Gauean, jai giroak ez du etenik izango, eta erromeria izango da Zerkausian. Aurtengo hitzordua berezia da gainera, Udaberri 60. urteurrena ospatzen ari baita.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!