Tolosako Udalak 2017ko aurrekontuan txertatutako inbertsio nabarmenena izango da, Nafarroa etorbideko eraberritzearena. Orobat, 1.252.148 euroko inbertsioa izango da, eta apirila amaieran ekingo diete lanei. Aurretik, ordea, etorbideko hainbat zuhaitz atera eta birlandatzen ari da udala.
Zehazki astigar norvegiarrak dira, eta Tolosako beste lursailen batean birlandatuko dituzte, zuhaitzen bizirautea bermatzeko. Tolosako Udalak azaldu duenez, birlandatzea orain egin beharra dago, zuhaitzak lehortu ez daitezen.
OINEZKO MERKATARITZA
2012an osatutako Komertzioen Suspertzearen Plan Berezia du oinarrian, Nafarroa etorbideko eraberritzeak.
Horrela, obrak bi helburu nagusi ditu. Batetik, kalea oinezkoentzat egokituko dute, haien joan-etorriak errazteko. Horretarako, besteak beste, espaloia zabalduko dute eta errepidea estutu.
Bide beretik, oinezkoen bideak erosoago egitearen ondorioz, bigarren helburuari helduko dio udalak: ostalarien eta merkatarien jarduna suspertzea, kale egokiago baten bitartez.
Apirila amaieran hasiko dira eraberritze lanak, eta aurretik hainbat zuhaitz ateratzen ari dira, beste nonbait birlandatzeko
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!