Turismo iraunkorraren urtea da 2017a, eta Aktibatu jardunaldiek indar bikoitza izango dute, beraz, aurten. Martxoaren 30ean eta 31n, Tolosa izango dute plaza, eta Bizibiziki elkarteko antolatzaileek zabaldu dute, jada, izen-ematea.
Turismo sektoreko eragileei begirako jardunaldi profesionalak dira, eta bosgarren urtez antolatuko dituzte, garapen iraunkorraren inguruko topagune eta hausnarketa gune izan daitezen.
08:30etik 18:00etara bitarte, hainbat hizlariren bizipen eta iritziak entzuteko aukera eskainiko du Aktibatuk eta, besteak beste, Alex Txikon, Frank Norvik, Rafa Gorrotxategi, Paul Easto, Meritxell Moreno nahiz Evarist March izango dira lehen eguneko parte hartzaileetako zenbait; norbere esparruan ariko da bakoitza. Horrekin batera, proiektu esanguratsuen mikrogunea eta networking sarea ere osatuko dituzte.
Bigarren egunean, berriz, hiru formakuntza saiotik bakarra aukeratu beharko dute parte hartzaileek eta, atsedenaldiaren ondoren, esperientzia turistikoekin ere berdin egin beharko dute: bat aukeratu, ezagutzeko.
www.aktibatu.com atarian egitaraua eta zehaztasunak eskuragarri dira, eta baita izena emateko bide eta aukera guztiak ere.
Bizibiziki elkarteak antolatu ditu hitzorduak, bosgarrenez, eta izen-ematea zabalik da; Topic zentroan izango da
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!