20 urteko gizonezko bat atxilotu du Ertzaintzak, larunbat gaueko bortxaketa dela eta

Tolosaldeko Ataria 2017ko ots. 20a, 13:59

Ertzaintzak bart atzeman du gaztea, Tolosan bertan; gaur izango da elkarretaratzea, 19:00etan, Plaza Zaharrean.

Kaldereroen gauak iragarri zuen inauterien etorrera, larunbatean eta, kaldereroekin batera, eraso sexista baten berriak hartu zuen asteburua: adin txikiko batek salaketa jarri zuen, bortxatu egin zutela esanez. Bada, Ertzaintzak 20 urteko gizonezko bat atxilotu du, bart, Tolosan bertan, eta Ertzaintzaren esku dago, momentuz, atzemandako gaztea.

Atzo iragarri bezala, gaur iluntzean elkarretaratzea egingo dute Tolosako Udalak, emakume taldeak, txosnek eta karroza eta konpartsek deituta.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!