Pertsona bat atxilotu dute Tolosan, adin txikiko bati bizikleta lapurtzea egotzita

Tolosaldeko Ataria 2017ko ots. 10a, 15:09

Ertzainek 25 urteko pertsona bat atxilotu zuten atzo eguerdian Tolosan, zauriak eta indarkeriazko lapurreta egotzita, Segurtasun Sailak jakinarazi duenez. 

Segurtasun Sailak jakinarazi duenez, ertzainek begia ubelduta zuen adin txikiko bat topatu zuten. Honek adierazi zieten pertsona batek eraso egin ziola gerriko batekin, bizikletan ibiltzen ari zela. Erori egin zen segituan; erasotzaileak bere bizikleta hartu zuen, eta lekutik alde egiten saiatu zen.

Erasoa gertatu zen lekuan zeuden bi pertsonek geldiarazi egin zuten erasotzailea, eta Ertzainek atxilotu egin zuten, zauriak eta indarkeriazko lapurreta egotzita.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!