Tolosako Udalak eta Tolosa&Cok "irmoki" gaitzetsi dituzte pintaketak

Tolosaldeko Ataria 2016ko abe. 30a, 19:19

"Herriko garapen ekonomikoaren motorretako bat da merkataritza sektorea, eta pintaketa horiek kalte zuzena eragiten diete saltzaileei", salatu dute Tolosako Udalak eta Tolosa&Cok ohar baten bidez.

Ostiral goizean, "kontsumo matxistaren aurkako pintadak agertu dira Tolosako hainbat dendetan. Ekintza horiek gaitzesteko, oharra kaleratu dute Tolosako Udalak eta Tolosa&Co merkatari elkarteak. 

"Merkataritza sektoreak denbora eta esfortzu handia inbertitzen du saltokia hornitu, kanpaina prestatu eta erakusleihoak atontzen". Hori dela eta, "berdintasuna lortzeko bidean, pintaketetan agertzen diren mezuek mahaigaineratzen duten gaia azaleratzeko beste bide batzuen alde egiten dugu, herriko merkatariek kalte materialik eragin gabe", azaldu dute. 

Udalaren eta merkatari elkartearen iritziz, erabilitako "bidea ez da helburuak lortzeko egokiena", eta adierazpen askatasunak "ez du justifikatzen herriko zenbait dendari egindako jazarpena". 

Amaitzeko, udalak babesa eskainiko merkataritza sektoreari eta lanean jarraitzeko deia egin die. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!