XVI. Skate Festa egiten ari dira Bonberenean. Skate txapelketa jokatu dute arratsaldean, eta gauean Swo Hai eta Ziribulio Sound System taldeen kontzertuak izango dira.
Skate-a gustukoa dutenek, beren abileziak erakusteko aukera bikaina izan dute gaur Bonberenean. Guztira, bost pertsonek hartu dute parte txapelketan, eta erakustaldi bikainaz gozatzeko aukera izan dute bertaratutakoek. Nacho Aguadok irabazi du txapelketa, Jonatan Hernandezen eta Eneko Zubiriaren aurretik.
Festari amaiera emateko, Swo Hai eta Ziribulio Sound System taldeen kontzertuak izango dira. 22:30ean hasiko dira, eta sarrera 6 eurokoa izango da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!