Goiz osoan zehar, Orendain, Baliarrain eta Gaintza arteko bideetan jende mordoa ibili da mendian barrena; I. Eltxo Trail lasterketa korritu dute.
Kirolzaletasuna eta bereziki, gaurkoan, mendizaletasuna bultzatzeko asmoz prestatu dute orendaindarrek lasterketa hau. 200 lagunentzat zabaldu zuten izen emateko aukera, eta antolatzaileen poztasunerako jende gehiago animatu da.
Bi ibilbide ezberdin prestatu dituzte; bata laburra, 5,4 kilometrokoa eta bestea luzeagoa, 20,5 kilometrotakoa. Bi ibilbidetako sailkapena eskuragarri izango da www.eltxotrail.com/sailkapenak webgunean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!