Jakin badakigu, azken hilabeteotan komunikabideetan sarritan entzun ohi dugun moduan, energiaren kostua, lehiakortasun faktore garrantzitsua dela industria sektorearentzat. Europar Batasuneko herrialde desberdinetan, enpresek oso kostu desberdinetan lortzen dute energía, araudiak eta tarifikazio sistemak ere oso desberdinak baitira. Horrela, energia lortzeko menpekotasuna murriztu eta bakoitzak autogenerazioara bideratutako energia produkzio sistemak izatea, kostuak murriztuz lehiakorrago izateko bideetako bat da zalantzarik gabe.
Gure eskualdeko enpresek kontsumitzen duten elektrizitatea jatorri berriztagarria izateko helburuarekin, Tolosaldeko industriaguneetako gainazaletan eguzki energia fotoboltaikoa sortzeko potentzialitatea aztertuko da. Izan ere, enpresa hauetan bertan behar dugun energia kokagune berean sortzeko aukera izanez gero, kanpoko dependentzia jaitsi genezake eta bide batez, elektrizitatearen prezio egonkorragoak eta lehiakorragoak lortu.
Energia berriztagarrietan espezializatua dagoen eskualdeko enpresa baten bitartez eta enpresa kopuru mugatu batentzako, kontsumo energetikoarekin lotutako eguzki plaka fotoboltaikoen inplantazioari buruz egungo legediak ematen dituen aukerak aztertuko dira era pertsonalizatuan.
Programa honetan parte hartzen duten enpresek eguzki indar fotoboltaikoari buruzko informazioa eskuratzeko aukera izango dute: kostuak, energi prezioa, autokontsumoa, legedia, enpresarentzako kosturik ez daukan plaken instalakuntza, etab.
Zerbitzu hau dohainik eskainiko zaie Tolosaldean kokatuta dauden zentro produktiboei, beti ere kopuru mugatuan eta Lehiberri Forora atxikituta dauden enpresek lehentasuna izango dute izena emateko orduan.
Informazio gehiago www.lehiberri.eus edota 943 654 501 telefono zenbakira deituta jaso ahal izango duzue.
Energia berriztagarriak bultzatzeko programa, enpresei zuzendua
2017ko mar. 31a, 10:46
Tolosaldea Garatzen-Lehiberritik, eta Gipuzkoako Foru Aldunditik sustatu eta finantzatutako Piztu Tolosaldea Energia Planaren barruan, eskualdeko industriaguneetan energia berriztagarrien inplementazioaren aukerak aztertuko ditugu 2017an.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!