Taldeari dagokionez, azpimarratzekoa da, Juanan Rodriguez entrenatzaileak asteko entrenamenduari zalantzakor ekin behar izan diola, norgehiagoka honetarako zenbat jokalari izango dituen jakin gabe. Lehenengo taldearen beharrak asebetetzeko alde batetik, sub-16 kategoriako selekziorako deialdia bestetik edota gripe kontuak, lan-ildoa hankaz gora jarri dute. Hala ere, ez da hori aitzakia, lehenbiziko bi egoerak onuragarriak direla deritzo Klubak; horrek esan nahi du markatutako helburuen ildoan doazela.
Bigarren itzuli erakargarria hasten da honela, non partida guztiak oso konplexuak izango diren, aurkariak jokoan aurrerapausoak ematen jarraitzen dutelako, batik bat.
Beste aldetik, LAUBURU ALDAZ KLINIKA, 1go Mailako taldeak Tolosan izango du asteburu honetan partida, Hirukide Eskolapioak taldearen aurka, hain zuzen, eta txapelketan egokitzen diren derbi horietako bat izango da. Txubelen mutilak justu xamar datoz norgehiagoka honetara, gripe kontuak direla eta.
LAUBURU ALDAZ KLINIKA, emakumezkoen taldea, Beasainera mogitu beharko da larunbatean, 14:00etatik aurrera Beasain BHI taldearen aurkako partida jokatzera.
LAUBURU K.E. IBARRA, kadete mutilak, larunbatean 13:00etan Arantzazuko Ama Ikastola taldea jasoko dute Ibarrako Belabieta kiroldegian.