Astelehen goizean, Ertzaintzak atxilotu egin zuen 30 urteko pertsona bat eta inputatu egin dute 20 urteko beste bat. Lasarte-Oriako kamioi batean 400 kilo kobre, eta brontzezko eta aluminiozko hainbat pieza lapurtzea egozten diete.
Astelehen goizean, Ertzaintzak dokumentazio kontrol batean gelditu zuen autoa, eta identifikatu egin zituen bi bidaiariak. Ertzainek autoa miatu zuten eta 40 kilo kobre aurkitu zituzten bertan, Segurtasun Sailak jakinarazi duenez.
Ertzainak ohartu ziren bat zetozela autoan zegoen materiala eta aurreko egunean Lasarte-Oriako kamioi batean lapurtu zutena. Ustez lapurreta egin zutenen autoaren matrikula ere bat zetorren kontrolean gelditutako ibilgailuarekin, Segurtasun Sailaren arabera.
Atxilotutako eta inputatutako bi pertsonek deklaratzera joan beharko dute hurrengo egunetan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!