Tolosaldeko Ataria euskaraz diharduen tokiko hedabide multimedia da. Gipuzkoako Tolosaldea eskualdean burutzen du bere jarduna, Tolosako San Esteban auzoko 20 zenbakian du egoitza, eta eskualdea osatzen duten 28 herrietako herritarren jakin-mina eta komunikazio premiak erarik profesionalenean asetzea du helburu nagusia. Hori bai, euskaratik eta euskaraz!
Hedabide proiektu honek 2013ko urrian eman zituen lehen urratsak. Galtzaundi astekaria, Tolosaldeko Hitza egunkaria eta Txolarre irratiaren bateratzetik sortua da eta, esan bezala, eskaintza multimedia osatu du, gizartearen eskakizunetara egokitzeko ahalegina eginez. Hiru adar ditu hedabideak eta guztietan egiten dute kazetariek beren ekarpena:
Kolaboratzaile sare zabala dugu. Eskualdeko herritar esanguratsu askoren jakituria eta ekarpenek balio erantsi garrantzitsua, behar beste eskertu ezin duguna, ematen dio proiektuari.
Elkarlan estua eta zerbitzu partekatuak ditugu BERRIA eta Gipuzkoa-Bizkaian eratuta dauden HITZA hedabideekin. Horrezaz gain, bazkide gara Hekimen, Tokikom eta Arrosa Irratien Sarea elkarteetan eta bertako hedabideekin lankidetzak gauzatzen ditugu. Hedabideez gain, bestelako hamaika erakunde, talde eta norbanakoekin ere lankidetzak ditugu.
Proiektu honen bideragarritasuna lau zutoinetan bermatzen da: Atarikideak (harpideak), eskualdeko 28 udalak, erakunde publiko nagusiak (Gipuzkoako Foru Aldundia eta Eusko Jaurlaritza), eta Atariaren publizitate-zerbitzuak.
Zuzendaritza Batzordea: Kike Amonarriz, administratzaile solidarioa (Galtzaundi), Mikel Arrieta, administratzaile solidarioa (Bertako Hedabideak), Joxemi Aranburu (Txolarre), Haritz Mujika (Harituz), Izaskun Jauregi (Lizardi), Imanol Garcia (langileen ordezkaria), Rebeka Calvo (erredakzio koordinatzailea) eta Iban Urdapilleta (kudeatzailea).