Ibarra Sokatirakoak jardunaldiko onenen artean

Tolosaldeko Ataria 2017ko urt. 24a, 12:34

Laugarren postua eskuratu dute mutilek asteburuan jokatutako 640 kiloko lehian. Lehenengo jardunaldia burututa, bigarrenaren zain daude orain. 

Euskadiko Goma Gaineko 8×8 Sokatira Txapelketaren 640 eta 405 kiloetako lehen saioak jokatu zituzten larunbatean [urtarrilak 21], Mungiako Udal Frontoian. Gizonezkoen 640 kilotan Sokarri taldea nagusitu zen, eta emakumezkoen 405 kilotan, berriz, Gaztedi izan zen onena eta bigarren geratu ziren ibartarrak

Aipatutako bi kategorietan datorren larunbatean (hilak 28) daukate bigarren jardunaldia. Idiazabalgo pilotalekuan jokatuko dute, 17:00etan hasita. Bertan erabakiko da zeintzuk diren sei onenak eta Euskal Herriko Goma Gaineko Txapelketako finala jokatzeko aukera izango dute; otsailaren 4an izango da, Erandion.

1. saioko sailkapenak 640 kilo (gizonak)

  • 1- Sokarri (Bizkaia) 12 p
  • 2-Gaztedi (Bizkaia) 11 p
  • 3-Murueta A (Bizkaia) 10 p
  • 4-Ibarra (Gipuzkoa) 9 p
  • 5-Beti-Gazte (Nafarroa) 8 p
  • 6-Zuraide (Lapurdi) 7 p
  • 7-Abadiño (Bizkaia) 6 p
  • 8-Ñapurrak (Lapurdi) 5 p
  • 9-Gabadi (Lapurdi) 4 p
  • 10-Murueta B (Bizkaia) 3 p
  • 11-Mutriku (Gipuzkoa) 2 p
  • 12-6 Conceyos (Asturias) p 1

405 kilo sailkapenak (emakumeak)

  • 1-Gaztedi (Bizkaia) 3 p
  • 2- Ibarra (Gipuzkoa) 2 p
  • 3-Txantrea (Nafarroa) p 1

 

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!