"Ibarran Urtezahar Krosa antolatzen denetik, beste giro bat izaten da egun honetan", esan du Ainoa Muñagorri antolakuntzako kideak. "Lehen denak Tolosara joaten ziren korrika egitera, eta Ibarra plaza hutsik geratzen zen. Orain, Ibarrakoak urtero arrakasta gehiago du".
Bosgarren urtez antolatu dute aurten. "Ideia atera zenean, pentsatzen genuen zerbait herrikoia izango zela, zerbait xumea, eta konturatu gara urtez urte gero eta arrakasta gehiago duela eta gero eta jende gehiagok parte hartzen duela, bai korrikan eta baita antolakuntzan ere". Aurtengoan 200 haur inguruk eta 140 heldu inguruk hartu dute parte.
Ibarrako Urtezahar krosean ez dago irabazlerik. "Ez genuen lehiakortasunean sartu nahi. Ez da denborarik hartzen, eta ez dago ez irabazlerik ezta galtzailerik ere", esan du Muñagorrik. Krosaren bukaeran, helduen artean 35 produktu zozkatu dituzte, eta haurrei goxoki poltsa bat banatu zaie.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!