Lehiaketak bi modalitate izango ditu: olerkiak edo hitz lauzko lanak (prosa) aurkez daitezke. Bestetik, hiru maila edo kategoria izango dira: 6-8 urte bitarteko haurrak, 9-11 urte bitartekoak, eta 12-16 urte artekoak.
Arlo zein ikuspegi desberdinetatik landu daitezke gaiak, baina lanak euskaraz, saritu gabeak eta argitaragabeak izan behar dute.
Lehiaketa horren oinarriak irakur daitezke hemen, udaletxean eta webgunean. Lanak Euskara Zerbitzuan edo Kultura Etxean entregatu behar dira azaroaren 7ra bitarte.
Irabazleek oroigarria eta liburuetan gastatzeko 30 euroko dirusaria irabaziko dute.