Cordobako espetxean dago Egues, eta guraso bien baimena eskatu diote han, adin txikikoari sartu ahal izateko.
Ana Belen Egues preso elduaindarraren anaia Josebak eta alaba Marenek 850 kilometroko bidea egin dute, Cordobako espetxeraino. Aurrez aurreko bisita edo vis a visa hitzartuta zuten gaurko, baina kartzelan ez diote adin txikikoari sartzen utzi.
Azaldu dutenez, espetxeko arduradunek guraso bien baimena eskatu diete sartu ahal izateko eta, Eguesen anaia baimen hori eskuratzen saiatu den arren, azkenean Cordobako espetxearen atarian geratu dira bi senideak. Sare sozialen bitartez salatzen ari dira gertatutakoa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!