Dinamizazio programa 65 urtetik gorako herritarrei zuzendutakoa da, eta hilero bi saioa egingo dira, biak ostegunetan eta 15:00etatik 17:00etara, Bidania-Goiazko eguneko zentroan. Programa doan izango da.
Martxoaren 16an izango da lehenengo saioa. Abendura arte luzatuko da programa, eta abuztua izango da saioak egongo ez den hilabete bakarra. Izena emateko 943 68 11 28 telefono zenbakira deitu edo saiaz@saiaz.eus helbidera idatzi daiteke. Bihar izango da azken eguna izena emateko.
Saiaz Gizarte Zerbitzu Mankomunitateak eta Lahar Elkargoak antolatuta, Bidania-Goiazko adinekoentzat dinamizazio programa egingo da. Bi helburu nagusi ditu ekimen horrek. Batetik, herriko adinekoen elkargunea izatea, zenbait ekintza landuz: memoria lanketa, eskulanak eta adinekoen arteko harremanak sustatzeko ekintzak. Beste helburua zahartzaro aktiboa sustatzea da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!