Gustura daude Berrobiko Jon Ander Izagirre Frontenis Txapelketako antolatzaileak. Izen-ematea bukatu da jada, eta aurtengoan parte hartzaile gehiagok eman dute izena. Zehazki mutiletan binaka 41 bikote ariko dira eta nesketan 9 bikote. Bitariko bikoteetarako berriz, 10 parek eman dute izena eta mutiletan banaka, 15 pertsonek eman dute izena.
Izen-ematearekin batera, antolaketako kideak partidak lotzen hasten dira, eta aurten mutilen binakako zein bitariko bikoteen kanporaketak zuzenean egitea adostu dute.
Nesken binakakoa aldiz, ligaxka baten ostean erabakiko da, talde bakoitzeko bi onenak finalerdietara sartuko direlarik. Eta mutilen banakakoan prebia bat jokatuko dute lehenik, eta kanporaketa ligaxka moduan jokatuko dute. Hemen ere talde bakoitzeko bi onenak sailkatuko dira finalerdietara.
Partiden zozketa ere egin dute eta eta datu guztiak www.izagirrefrontenistxapelketa.com webgunean bildu dituzte.