Goizaldeko 4:25ak aldera, Ertzaintzari jakinarazi diote auto bat aurkako noranzkoan gidatzen ari zela GI-11 errepidean, Belartzan (Donostia). Geroago jakin dute Gasteizerantz zihoala autoa, Lasarte parean. Ertzaintza autoa gelditzen saiatu da Andoainen, baina gidariak aurrera jarraitu du. 4:20ak aldera, autoa errepidetik atera eta Berastegin aurkitu dute, baina ez zegoen inor bertan.
6:20ak inguruan, pertsona bat A-15ko bide bazterrean oinez ikusi dute. Ertzainek ziurtatu ahal izan dute bera zela istripua izan duen gidaria, eta alkoholemia proba egin diote. Ia hirukoiztu egin du alkoholemia tasa eta droga proban ere positibo eman du. Atxilotu egin dute gidaria.