Euskal Herriko dantza tradizionalak ikasi nahi dituztenek aukera izango dute Berastegin, Aiko taldearen eskutik. Dantzaldi Ibiltariaren edizio berria urritik ekainera bitarte luzatuko da eta metodologia propioa lantzen dutela esan du taldeak. Ikastaroa asteazkenetan eskainiko dute udaletxean.
Aurreko edizioetan bezala, ikastaroak bi maila izango ditu, hastapena eta hobekuntza. Lehen pausoak ikasi nahi dituztenek 18:00etatik 19:30era izango dute aukera eta gainontzekoak 19:30etik 21:00etara ariko dira. Matrikulak 160 euro balio du, baina izena eman aurretik ikastaroa nolakoa den ikusi nahi dutenek urrian zeharreko eskolak doan hartu ahal dituzte. Izena emateko www.aikotaldea.eus helbidera jo behar da edo 634 423 539 telefono zenbakira deitu.
Aiko taldeak aurten 10 urteurrena ospatzen du eta hamarkada honetan 4.000 pertsona
inguruk parte hartu dute bere ekimenetan.
Aurten gainera bi proiektu handi ekoiztu ditu: Jotamentala Euskal Herriko hainbat aretotan ikusi ahal izan den dokumentala, eta Aiko taldeko musikari eta dantza maisuak Euskal Herriko hainbat musika bandekin elkartu dituen ikuskizuna.
Aiko taldeak Dantzaldi Ibiltaria eskainiko du Berastegin
2016ko ira. 21a, 09:30
Lehen aldiz egin nahi dutenek urriko eskolak doan egin ahal dituzte eta ondoren, matrikula egin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!