Zarateaitz inguruko lubakiak bisitatzeko irteera

Tolosaldeko Ataria 2016ko urr. 17a, 17:46

Urriaren 22an, larunbatean egin dute hitzordua. Asteasuko plazan 09:30ean geratu dira lubakietara igotzeko. Zuzenean gerturatu nahi duenarentzat, 10:00etan egin dute zita Saskarate baserrian.

Orain gutxi, oroimen historikoari lotutako liburu baten aurkezpena egin du Asteasuko Udalak, Zizurkil eta Adunakoarekin batera: "Saseta defentsa-sistema: armatutako erresistentzia antifaxista Adunan, Asteasun eta Zizurkilen.

1936an Zarate eta Andazarrate inguruan altxamendu faxistan parte hartu zutenen aurkako erresistentzia gogorra egin zen eta Aranzadi zientzia elkartearekin batera, hainbat lubaki garbitu eta argitara eman dira, auzolandegietan parte hartu duten gazteekin batera.

Liburuaren egile den Karlos Almorzarekin batera, arrasto horiek ikusteko aukera izango da larunbatean Asteasun.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!