Urteari hasiera emateko, hainbat ekintza antolatu dituzte Gazte Asanbladako kideek; urtarrilaren 2an, afari merienda egingo dute, eta jolaserako tartea izango da ondoren.
Eztabaidarako eta hausnarketarako aukera ere izango dute Anoetako gazteek. Urtarrilaren 4an, emantzipatzeko aukeren inguruko mahai ingurua izango da, Ezetz 25 urte baino lehenago emantzipatu! lelopean. Emantzipatzeko bide ezberdinak hartu dituzten gazteek beren esperientzia kontatuko dute.
Urtarrilaren 7an, azken hamarkadetan errepresioak izan duen bilakaera aztertuko dute, eta gaur egungo hezkuntza sistemak dituen gabeziak izango dituzte hizpide urtarrilaren 9an.