Euskal Herria: Itxaropen ezatik bakerako bidea aldebakartasunez 2007-2011 liburuaren aurkezpena egingo dute, ostegunean, 18:00etan Anoetako Gaztetxean.Pau Perez Duato idazle kataluniarrak aurkeztuko du liburua, eta prologoa idatzi duen Martxelo Otamendi ere izango da liburuaren aurkezpenean.
Bestetik, ostiralean, Reggae Gaua izango da, 19:30tik aurrera. Selektah Stepi DJak irekiko du jaialdia, eta 22:30an La Basuren txanda izango da. Ondoren, 00:30etan, Ziribulio Sound System eta Stepi Selektah DJak eskainiko dute emanaldia. Afaltzeko aukera ere izango da, eta sarrera doakoa izango da.
Ostegunean liburu baten aurkezpena eta ostiralean Reggae Gaua izango dira Anoetako Gaztetxean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!