Sahararen aldeko 13. Euskal Karabana: Piztu Itxaropena egitasmoa martxan da eta Amezketan horri laguntza emateko aukera izango da. Elkartasun kanpaina horren helburu nagusia Saharar Herriari janariak helaraztea da, Tindoufeko (Aljeria) errefuxiatuak janari aldetik pairatzen ari diren krisialdia ahal den neurrian arintzeko.
Janariaz gain (arroza, pasta, lekaleak, azukrea eta hegaluzea zein sardinak oliotan), garbitasun gaiak (konpresak) ere bilduko dira Euskal Herriko herrietan. Amezketari dagokionez, elikagaiak udaletxean utzi ahal izango dira urtarrilaren 31 baino lehen, horretarako sarreran eremu bat egokitu da.
Aurrekontuei buruzko bilera
Datorren astelehenean, hilak 26, Hirigintza, Obra, Ingurumena, Ekonomia eta Kulturako batzordeen bilera egingo da, 20:00etan, udaletxeko pleno aretoan. Bertan, gai nagusia 2017 urteko aurrekontuak izango dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!