Ordu aldaketa izanagatik, hutsik egin gabe abiatu dira 07:00etan ibilaldi luzea egin duten 404 ibiltariak. 45 kilometro egin behar izan dituzte 2.500 metroko desnibelarekin. Ibilaldi laburra egitea aukeratu duten 620 parte hartzaileak ordubete beranduago abiatu dira Villabonatik. Hauek, 22 kilometroko ibilbidea egin dute, 1.000 metroko desnibelarekin. Helmugara iristen joan diren heinean, diploma jaso dute eta hamaiketakoa egiteko aukera ere izan dute. Arratsaldean, oparien zozketa egingo dute.