Amasa-Villabonako Udaleko hautetsiek eta hautetsi ohiek bat egin dute martxoaren 19ko galdeketarekin. 40 hautetsi inguru bildu dira Villabonako Amalur Plazan, Amasa Villabonako Gure Esku Dago ekimenaren deiari erantzun eta martxoaren 19ko galdeketa babesteko.
1979tik gaur arte Amasa-Villabonako udalean egon diren 40 hautetsi inguruk babestu dute martxoaren 19ko galdeketa. Argazkia atera dute lehenengo, Gure Esku Dago ekimenaren galdeketan parte hartzeko deia luzatuz.
Ondoren, Uxoa Elustondo Amasa Villabonako Gure Esku Dago ekimeneko kideak hitz egin du, eta ongi etorria eman die ekimenaren deiari erantzun dieten hautetsi guztiei. Instituzioen eta herritarren arteko harremanaren garrantzia nabarmendu du: "Zerbait lortu nahi badugu, ezinbestekoa da instituzioek eta herritarrek elkarrekin lan egitea".
Era berean, martxoaren 19ko galdeketan parte hartzeko deia luzatu die herritar guziei.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
