Frontoia, herri kirolen plaza

Tolosaldeko Ataria 2016ko aza. 11a, 14:15

San Martin eguna ospatzen ari dira Amasan. Meza nagusiaren ondoren, elkartean bildu dira hamaiketakoa egiteko. Eguerdian, herri kirol erakustaldia izan da herriko frontoian. 

Aizkolariak eta harri jasotzaileak aritu dira herriko frontoian. Patxi Zubizarreta eta Ernesto Ezpeleta "Bihurri"-k egin dituzte aizkolari lanak; harri jasotzen, berriz, Joseba Ostolaza eta Udane Ostolaza aritu dira, 11 urteko neskatila. Plazan egitekoak ziren, baina eguraldi txarra medio, herriko frontoian egin dute herri kirol erakustaldia.

Herri kirol saioaren ondoren, bertsolariek eta trikitilariek alaitu dute giroa. 17:00etatik aurrera, puzgarriak egongo dira frontoian haur eta gaztetxoentzat. Ondoren, eguraldi kaxkarrari aurre egiteko, txokolate beroa eskainiko diete. 

20:00etan, XXV. Bakailako lehiaketa izango da Iturri-Goxo jatetxean, eta gauean dantzaldia izango da Bide Batez erromeriaren eskutik.

Honako egitaraua antolatu dute biharko: 

Azaroak 12, larunbata:

11:00. Ume krosa (6. mailara arteko umeentzat).

12:00. Amasa-Villabona eta Zizurkilgo erraldoi eta buruhandiak Jeronimo Loatzo musika eskolako dultzainero taldearekin.

14:00. Herri bazkaria.

19:00. Bertso saioa: Andoni Egaña, Agin Laburu, Igor Elortza eta Onintza Enbeita. Gai-jartzailea: Amaia Agirre.

23:00. Dantzaldia Bihozkada taldearen eskutik.

OndorenDantzaldia Laket taldearen eskutik.

Erlazionatuak

Amasako San Martinen egitaraua

Tolosaldeko Ataria 2016 aza 09 Amasa-Villabona

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!