Martina sorgina dagoeneko erratzaren gainean jarria da festak Amasara ekartzeko. Benetan azaroaren 9an jaitsiko bada ere txupinazoa botaz, larunbatean afaria izango dute amasarrek. Mondejua izango da mahaiko izarra. Asteazkenetik aurrera izango da haur, gazte eta helduei begirako egitaraua.
Osteguna egun berezia izan ohi dute gazteek. 06:00etarako hasten dute eguna gosari eder batekin, eta bazkarian eta afarian ere ez dute hutsik egingo. Egun handia San Martin eguna bera izan ohi da, azaroak 11. Txerri guztiei heltzen omen zaie San Martin eguna, atsotitzak horrela dio. Amasar guztiei behintzat heltzen zaie festarako aitzakia.
AMASAKO SAN MARTIN JAIAK
Azaroak 5, larunbata
20:30. Mondeju afaria Uxo Toki elkartean.
Azaroak 9, asteazkena
18:30. Nesken arteko pala txapelketaren finala.
19:30. Txupinazoa Jeronimo Loatzo musika eskolako dultzainero taldearekin, Martina sorginaren jaitsiera eta buruhandiak.
Ondoren. XXVII. Intxorraren aldatzea.
Azaroak 10, osteguna
GAZTEEN EGUNA
06:00. Gazteen gosaria Amasa kafetegian, trikitilariekin.
14:30. Gazteen bazkaria Uxo-Tokin.
17:00. Soka dantza eta aurreskua plazan. Ondoren, trikitilariak.
21:00. Gazteen afaria Iturri-goxo jatetxean.
Azaroak 11, ostirala
SAN MARTIN EGUNA
10:30. Meza Nagusia.
Ondoren. Herri kirol erakustaldia plazan, bertsolariek eta trikitilariek alaituta.
17:00-19:00. Puzgarriak frontoian.
Ondoren. Txokolate beroa.
20:00. XXV. Bakailao lehiaketa Iturri-goxo jatetxean.
23:30. Dantzaldia Bide batez taldearen eskutik.
Azaroak 12, larunbata
11:00. Ume krosa (6. maila artekoak)
12:00. Amasa-Villabona eta Zizurkilgo erraldoi eta buruhandiak Jeronimo Loatzo musika eskolako dultzainero taldearekin.
14:00. Herri bazkaria.
19:00. Bertso saioa: Andoni Egaña, Agin Laburu, Igor Elortza eta Onintza Enbeita. Gai-jartzailea: Amaia Agirre.
23:00. Bihozkada taldea.
Ondoren. Laket taldea.
Azaroak 13, igandea
18:00. Herri kirolak: Amasako gazteak Asteasuko gazteen aurka.
Ondoren. Martina Sorginari agurra.