Udaleku irekiak antolatu dituzte uztailaren 4tik 22ra

Tolosaldeko Ataria 2016ko mai. 10a, 11:45

Maiatzaren 13ra arte eman daiteke izena Gazte Informazio Bulegoan, Gaztelekuan, Katea Etxean, astearteetan 11:30tik 13:30ra eta 17:00etatik 19:00etara eta astelehen, asteazken, ostegun eta ostiraletan, 17.00etatik 19:00etara. Informazio gazteria@villabona.eus helbidean.

Bi urtetik Lehen Hezkuntzako laugarren maila bitarteko haurrentzat antolatu dute aurten udaleku irekia. Amasa-Villabonan erroldatutakoek lehentasuna izango dute eta beste herrietako haurrek itxaron zerrenda osatuko dute izen emateko epeak bukatu arte.

Irteera, jolas eta beste hainbat jardueren bidez, herriko haurrei aisialdiaz gozatzeko aukera ematea da helburua, modu aktibo, parte hartzaile, sortzaile, gizarteratzaile eta osasungarrian. Goizeko 09:30tik 13:00etara gauzatuko da udaleku irekia eta Haur Hezkuntza umeek ordu erdiko malgutasuna izango dute sartzeko eta ateratzeko.

Amasa-Villabonan erroldatutakoek ordaindu beharreko kopurua 80 eurokoa izango da. Bigarren anaia-arrebek eta hurrengoek 42 euro. Amasa-Villabonan erroldatuta ez daudenek, 120 euro ordaindu beharko dituzte eta kasu hauetan, bigarren edo hurrengo anai-arrebek 63 euro. Ordainketa aurrezki kutxetan egin beharko da haurreren izenean eta Katea etxera eraman beharko da ordainagiria.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!