Altzoko Udalak deialdia egin die herritarrei ostiral honetan egingo den Elkargunean parte hartzeko. Udalak azaldu duenez, «Altzo, gizonen eta emakumeen artean berdintasuna lortzeko bidean konprometituta dagoen herria da». Hori horrela, datozen hilabeteetan hainbat ekintza eta tailer proposatuko dira.
Bide horretan landu beharreko esparru nahiz arloak «asko» direla esan dute udaletik, «emakumeen ahalduntzea», esaterako. Hain justu, horretarako, «elkarrekin hausnartzeko, esperientziak elkarbanatzeko eta iritziak trukatzeko» sortuko dute Elkargunea. Etzi izango da, martxoaren 31n, 19:30ean eta Batzarremuñon. «Giro informal batean elkarrekin ezberdinen inguruan hausnartzeko aukera izango dugu», esan du udalak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!