Beste urte batez, eta dagoeneko 29. aldia da, Alegiako Gaztetxeak egitarau oparoa antolatu du bere urteurrenaren inguruan. Bihar hasiko da eta urtarrilaren 14a arte iraungo du. «Gogoarekin gaude antolatu dugun guztia aurrera eramateko», esan du Alazne Jauregi gaztetxeko kideak.
Ohiko moduan, musikak presentzia handia izango du egitarauan. «Orain arte bezala, kontzertu ugari izango dira», esan du Jauregik. «Saiatu gara ere bestelako ekintzak sartzen, garrantzitsua ikusten dugulako». Alex Goikoetxea gaztetxeko kideak gaineratu duenez, «kultur alorrean ere badaude beste esparru batzuk eta horiei begira, besteak beste, hainbat solasaldi antolatu ditugu».
Urteurrenaren egitarauaren egun nagusia abenduaren 10a izango da. Goizetik gauera bitarte antolatu dituzte ekitaldiak larunbat horretarako. «Garrantzi handia ematen diogu egun horri, eta espero dugu giro ederra izatea», esan du Jauregik.
EGITARAUA
Bihar, azaroak 18
21:00. Zahagiardoa.
22:30. Kontzertuak: Humus eta Euphoric.
Azaroak 25, ostirala
19:00. Zerbeza Ferie: VinyloFest eta afaria.
22:30. Kontzertuak Kulto Kultibo eta Revolutionary Brothers taldeekin.
Abenduak 1, osteguna
19:00. Gutik zura dokumentala, Jon Maiaren eskutik. Zinema aretoan izango da saioa.
Abenduak 2, ostirala
21:00. Zahagiardoa.
22:30. Anari bakarlariaren kontzertua.
Abenduak 3, larunbata
22:30. Lendakaris Muertos taldearen kontzertua.
Abenduak 9, ostirala
19:00. Gure Kabuz ala hil dokumentala.
Abenduak 10, larunbata
11:00. Altzoko Behiekora bisita eta hamaiketakoa.
14:30. Babarrun jatea. Gero, Apalatxe.
19:00. Txaranga.
22:30. Kontzertuak: Afu eta Skasti.
Abenduak 14, asteazkena
19:00. Urre bilatzaileen bidea Alaskan ikus-entzunezkoa, Andu Martinez de Rituertoren eskutik.
Abenduak 16, ostirala
19:00. Tolosatik Tokyora bizikletaz ikus-entzunezkoa, Lander Egiarekin.
22:00. Ping-pong txapelketa.
Abenduak 17, larunbata
19:00. Dinamika, Anoetako Talde Feministaren eskutik.
Abenduak 22, osteguna
19:00. Nepal nire begietatik ikus-entzunezkoa, Gari Zubillagaren eskutik.
Abenduak 23, ostirala
Goizean. Hondakin-bilketa egingo dute Langaurren.
Umeen Eguna
16:00. Pituxa Klowntu Kontari emanaldia, Bazen Behin Clown taldearen eskutik. Ondoren, taloak egin eta jateko aukera egongo da.
Abenduak 30, ostirala
22:00. Futbolin txapelketa.
Urtarrilak 13, ostirala
22:00. Poker txapelketa.
Urtarrilak 14, larunbata
22:30. Kontzertuak: Aski Da eta Def Con Dos.