Maiatzaren 7an Larraulgo plazan egingo da maskarada arratsaldez, baina goizean, barrikada izeneko jokoak egingo dira herriz herri. Adunara 12:00etan joango dira eta Zuberoatik 50 lagun inguru etorriko dira. Haiei ongi etorria eta eskerrak emanez barrikada propioa prestatuko dute adunarrek.
Herriko ohituraz jantzita etorriko da ekitaldia eta zortzi minutuko saio txiki bat antolatu dute, oilasko jokoa, Axeri dantza eta Santa Agedako dantza eta kantuen pasarteak hartuz.
Axeri dantzako taldearekin dantza egitera animatu nahi dituzte adunarrak eta horretarako entsegurako eguna jarri dute. Asteazkena, apirilak 29, 19:00etan Elordi plazako aretoan.
Aurrez, 18:30ean eta kultur aretoan, herriko festak antolatzeko lehen bilera egingo da.