Hauxe da gai zerrenda:
-2013 - 2020 epealdirako Plan Estrategikoaren 2017ko jarduera nagusien aurreikuspena.
-2017ra begira udalak aurreikusi dituen inbertsioei buruzko azalpenak eta herritarren ekarpenak jasotzeko aukera. Bertan hurrengo urteetan egin daitezkeen inbertsioez aritu eta eztabaidatuko da.
-Udalak Txantxaneko lokal komertziala erosi du. Horren informazioa eman eta lokalaren erabileraren inguruan eztabaidatuko da.
Bileran hitz egingo diren gaiei buruzko zalantzarik izanez gero, udaletxera dei dezakezu (943 69 25 71) edo posta elektroniko bat bidal dezakezu udala@aduna.eus helbidera.
Udalari garrantzitsua iruditzen zaio herritarren parte hartzea etorkizunean emango diren pausoak definitzeko.