Aurten lasterketa Adunatik aterako da eta aparkamenduetan horrek eragina izango du, lasterketako kotxeak eta taldeen furgonetak bertara joango direlako.
Etxeberri baserritik Uztartzako parkingeraino eta hemendik Amalkor kaleko gas deposituraino libre utzi beharko dira aparkamendu guztiak, larunbat gauerako edo asko jota igandeko goizeko 07:00etarako. Goizeko 11:00etarako egoera normalera bueltatuko dira aparkamendu guztiak.
Bide batez esateko, Aiztondo Klasika probari 10:00etan emango zaio hasiera eta gero ere beste hainbat alditan pasako da herritik. Hona hemen gutxi gora beherako ordutegia: 10:00, 11:27, 11:49, 12:10, 12:31, 12:51 eta 13:19.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!