Adunako kultur astearen gaurko eguna hasteko, batetik garagardoa egiten aritu dira Txulobi elkartean, eta bestetik, Aiztondoko Kantujira taldekoek herriko txokoak girotu dituzte.
Joxe Mari Sardon billabonatarra aritu zaie Txulobi elkartean bildutakoei garagardoa nola egin erakusten, eta, besteak beste, berak egindako garagardoak dastatu dituzte. Goizean zehar Aduna izena jarri dioten garagardoa egiten aritu dira eta hemendik denbora batera, sortutako edaria dastatzeko bilduko dira berriro elkartean.
Kantujirakoek Uztartzan hamaiketakoa egin ondoren, euskal abestiez girotu dute herria. Ondoren, Uztartzan egingo dute bazkaria, eta ziur ez dela abestirik faltako.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!